ग्रहमान - 24 ते 30

अनिता केळकर
सोमवार, 26 जुलै 2021

ग्रहमान - 24 ते 30

मेष
व्यवसाय व नोकरीत उत्तम संधी चालून येतील. आर्थिक प्राप्ती समाधानकारक राहील. शुक्राची साथ दिलासा देईल. नवीन मोठ्या खरेदी-विक्रीचे व्यवहार होतील. सर्व कार्यात यश मिळेल. बेकारांना नवीन नोकरी मिळेल. नोकरदारांना विशेष लाभ होतील. महिलांनी घाईने निर्णय घेऊ नयेत. कामे मनाप्रमाणे होतील. महिलांनी घरात सुसंवाद साधून कामे उरकावीत. विद्यार्थ्यांनी अभ्यासावर लक्ष केंद्रित करावे. 

वृषभ
धार्मिक व सामाजिक कामात विशेष रस घ्याल. अर्थप्राप्ती मनाप्रमाणे होईल. व्यवसायात अनपेक्षित लाभाची शक्यता. परदेशगमनाची संधी येईल. नोकरीत बदल किंवा बदलीस अनुकूल वातावरण लाभेल. कौटुंबिक स्वास्थ्य उत्तम लाभेल. महिलांना आवडत्या छंदातून प्रसिद्धी मिळेल. महिलांनी घरात सुसंवाद साधून कामे उरकावीत. घरात मंगलकार्य ठरतील. विद्यार्थ्यांचा उत्साह वाढेल.

मिथुन
मानसिक आरोग्य चांगले राहील. व्यवसायात पूर्वी केलेल्या कष्टांचे चीज आता होईल. अनुभवांचा उपयोग होईल. नवीन कामे मिळतील. नोकरीत तणावाचे वातावरण दूर होईल. वरिष्ठांचे झालेले गैरसमज दूर होतील. कामानिमित्ताने प्रवास घडेल. महिलांचे आरोग्य चांगले राहील. आवडीच्या क्षेत्रात मन रमेल. विद्यार्थ्यांना अभ्यासास पूरक ग्रहमान लाभेल.

कर्क
मनातील सुप्त इच्छा आकांक्षा पूर्ण होतील. बराच काळ रेंगाळलेले प्रश्‍न मार्गी लागतील. व्यवसायात परिस्थितीनुसार तडजोडीचे धोरण ठेवावे. अपेक्षित पत्रव्यवहार होतील. हितचिंतकांची साथ मिळेल. नोकरीत पैशाच्या हव्यासापोटी चुकीचा मार्ग अवलंबू नका. आवश्यक तेथे सहकारी व वरिष्ठांची मदत घ्या. महिलांना संततीकडून सुवार्ता कळेल. राहत्या घराचे प्रश्‍न मार्गी लागतील. विद्यार्थ्यांनी मनन व चिंतन करावे.

सिंह
स्वतःची आर्थिक व शारीरिक क्षमता ओळखून पुढे जा. कामाचा व्याप वाढेल. व्यवसायात आर्थिक बाबतीत काटेकोर राहून व्यवहार करावे लागतील. जुनी येणी वसूल करण्यावर लक्ष केंद्रित करा. नोकरीत केलेल्या कामाचे कौतुक सर्वजण करतील. मानसन्मान मिळावेत. महिलांनी घरात सुसंवाद साधून कामे उरकावीत. मुलांनी अतिधाडस करू नये. विद्यार्थी खेळाडू, राजकारणी व्यक्तींना परदेशगमनाची संधी. 

कन्या
महत्त्वाची कामे धसास लागतील. आर्थिक प्रगती उत्तम राहील. व्यवसायात ओळखीचा उपयोग होईल. चांगले बदल घडतील. दगदग धावपळ वाढेल. नोकरीत महत्त्वाच्या कामाची जबाबदारी पेलाल. कामानिमित्ताने प्रवास घडेल. पैशाच्या व्यवहारात बेफिकीर राहू नका. महिलांना प्रियजनांच्या भेटीने आनंद मिळेल. सहजीवनाचा आनंद उपभोगाल. विद्यार्थ्यांनी अभ्यासात आळस करू नये. 

तूळ
धार्मिक, सामाजिक कामातून प्रसिद्धी मिळेल. व्यवसायात नवीन कामे दृष्टिक्षेपात येतील. कामाच्या पद्धतीत बदल करून फायदा मिळवाल. अचानक धनलाभाची शक्यता. नोकरदार व्यक्तींनी वरिष्ठांचा मूड पाहून आपल्या मागण्या मांडाव्यात. कामात गुप्तता राखावी. हितशत्रूंपासून सावध राहावे. महिलांना घरात जबाबदारीची भूमिका पार पाडावी लागेल.

वृश्‍चिक
तुमच्या मानी व अहंमन्य स्वभावाला थोडी मुरड घालावी लागेल. व्यवसायात मिळालेल्या संधीचा जास्तीत जास्त कसा फायदा घ्यायचा ते ठरवा. नवीन योजना साकार करताना सर्वांचे सहकार्य लाभेल. नोकरीत कामांना गती मिळेल. वरिष्ठांच्या कौतुकास पात्र असे काम हातून घडेल. नावलौकिक मिळवाल. महिलांना सामाजिक व कलाक्षेत्रात प्रगतिपथावर राहणे शक्य होईल. विद्यार्थ्यांना अपेक्षित यश मिळेल. 

धनू
व्यवसायात /नोकरीत अपेक्षित यश मिळेल. मनातील इच्छा आकांक्षा फलद्रुप होतील. व्यवसायात कामांना मूर्त स्वरूप येईल. महत्त्वाचे करारमदार ठरतील. पैशाचा अतिमोह मात्र टाळा. बेकारांना नोकरी मिळेल. अपेक्षित पत्रव्यवहार होतील. महिलांना आरोग्याची उत्तम साथ मिळेल. संततीकडून सुवार्ता कळेल. विद्यार्थ्यांना परदेशगमनाची संधी मिळेल. तरुणांना जीवनात अपूर्व संधी चालून येतील. 

मकर
आर्थिक बाबतीत तुम्ही सतत विचार करता त्याचा उपयोग व्यवसाय वृद्धिंगत होण्यासाठी करा. दूरदृष्टी ठेवून आलेल्या संधीचा फायदा घ्या व पुढे जा. व्यवसायाची अनेक दालने तुम्हाला खुली होतील. नोकरीत तूर्तास कोणताही बदल करू नये. वरिष्ठांच्या मर्जीत राहून कामे करावीत. तरुणांना मनपसंत जीवनसाथी भेटेल. कलाकार, खेळाडूंना घवघवीत यश मिळेल. महिलांना आपल्या आवडत्या छंदात वेळ घालवता येईल.

कुंभ
अनेक अडचणींवर मात करून कामात प्रगती कराल. व्यवसायात स्पर्धेत टिकून राहण्यासाठी जाहिरात व आधुनिक पद्धतींचा वापर कराल. उलाढाल वाढविण्याकडे कल राहील. खेळत्या भांडवलाची सोय हितचिंतक व बँकाची मदतीमुळे होईल. नोकरीत कर्तव्याला प्राधान्य देऊन कामे पूर्ण कराल. वरिष्ठ व सहकारी कामात मदत करतील, ही अपेक्षा ठेवू नका.

मीन
ग्रहमान व वातावरणाची साथ मिळेल. अनेक कामातून यशश्री मिळेल. आर्थिक प्रगतीचा आलेख उंचावत राहील. व्यवसायात व नोकरीत मानसन्मान मिळतील. नवीन कामे हाताळण्याची संधी मिळेल. कामानिमित्ताने प्रवास घडेल. परदेशगमन व परदेशव्यवहाराच्या कामांना चालना मिळेल. महिलांना मुलांच्या प्रगती व प्रकृतीबाबत चिंता कमी होईल. चांगली बातमी कळेल. तरुणांचे विवाह ठरतील.

संबंधित बातम्या