‘उत्तम लेखकांची उणीव भासतेय...’ 

पूजा सामंत
मंगळवार, 27 एप्रिल 2021

गप्पा 

‘मेरे पास माँ है!’, ‘मैं आज भी फेंके हुए पैसे नही उठाता!’ ‘बसंती, इन कुत्तो के सामने मत नाचना’ असे दमदार संवाद ज्यांच्या लेखणीतून उतरले ते सलीम खान... त्यांनी तब्बल ४० वर्षांहून अधिक काळ हिंदी सिनेमा आपल्या लेखणीने गाजवला. साध्या-रोजच्या बोलाचालीच्या भाषेतून त्यांनी प्रेक्षकांच्या हृदयाला हात घातला. त्यांच्याशी मारलेल्या या गप्पा...

सलीमजी, तुम्ही संवाद लिहिलेल्या ‘शोले’, ‘जंजीर’, ‘त्रिशूल’, ‘दिवार’ या चित्रपटांची मोहिनी आजही आहे. तुम्ही अजूनही लेखन का करीत नाही?
सलीम खान : मुले लहान असताना फिल्म स्क्रिप्ट्स लिहून चरितार्थ चालवणे हे माझे कुटुंब प्रमुख म्हणून कर्तव्य होते. वक्त-किस्मत का साथ था, लिखने का हुनर था। मला लेखक म्हणून काम मिळत गेले. पुढे मुले मोठी झाली, आपापल्या पायांवर उभी राहिली आणि सलमानने घरातला मोठा मुलगा म्हणून संपूर्ण घराची जबाबदारी घेतली आणि मी लेखणीला लगाम दिला! 

घरातील प्रत्येकाला अगदी थेट सलमानलाही माझी मदत, माझा सल्ला हवा असतो. अनेक घरगुती कामांसह सगळ्याच कामांचा व्याप मोठा आहे. लिखाणासाठी लागणारी मानसिक शांती आताशा मिळत नाही. पण, जेव्हा सलमानला त्याच्या चित्रपटातले सीन आवडत नाहीत आणि त्याला ते नव्याने लिहून हवे असतात, तेव्हा मग तो मला व्हिडिओ कॉल करतो, आपली कैफियत मांडतो. मग माझ्या शैलीचा संवाद मी लेकासाठी असा अधून-मधून लिहून देतो! अर्थात याचे श्रेय मला मिळत नाही, मला ते नकोही असते. जेव्हा कधी सलमान, अरबाज किंवा सोहेल, जावई आयु